काठमाडौं, ३ साउन — पछिल्लो २४ घण्टामा काठमाडौं उपत्यकामा भएका २५ वटा सवारी दुर्घटनामा एक जनाको मृत्यु भएको छ भने दुई जना गम्भीर घाइते भएका छन्।
उपत्यका ट्राफिक प्रहरी कार्यालय रामशाहपथका अनुसार गएराति करिब १२:३० बजे भक्तपुरको एसएस चोक नजिक दुई मोटरसाइकल एकआपसमा ठोक्किँदा एक चालकको घटनास्थलमै मृत्यु भएको हो। मृतकको सनाखत हुन बाँकी रहेको प्रहरीले जनाएको छ। दुर्घटनामा घाइते भएकाहरूको विवरण पनि सार्वजनिक गरिएको छैन।
यसैबीच, ट्राफिक प्रहरीले पछिल्लो २४ घण्टामा ट्राफिक नियम उल्लंघन गर्ने ७२१ जना चालकलाई कारबाही गरेको जनाएको छ
त्यस्तै, काठमाडौं उपत्यकाका विभिन्न स्थानबाट शंकास्पद गतिविधिमा संलग्न ११३ जनालाई नियन्त्रणमा लिई अनुसन्धान भइरहेको प्रहरीले जानकारी दिएको छ।
