काठमाडौं । रुकुम पूर्व जिल्लाको कोल क्षेत्रलाई केन्द्रबिन्दु बनाएर आइतबार अपराह्न ४ः३० बजे ५ म्याग्निच्युडको भूकम्प गएको छ।
राष्ट्रिय भूकम्प मापन तथा अनुसन्धान केन्द्रका अनुसार भूकम्पको धक्का रुकुम पूर्वसहित आसपासका जिल्लाहरूमा समेत महसुस गरिएको छ।
हालसम्म भूकम्पबाट भएको मानवीय वा भौतिक क्षतिको कुनै आधिकारिक विवरण प्राप्त भएको छैन। सम्बन्धित निकायले प्रभावित क्षेत्रको अवस्था बुझ्ने तथा सम्भावित क्षतिको विवरण संकलन गर्ने काम गरिरहेको जनाएको छ।
